Zadnja ljubavna

 Zadnja ljubavna

 

 

Morda si zaslužila lipšu i bolju,

A morda biš ju i dobila da si bila

Prva, prez zakuna ali za vrime pasat.

Ne, ti si otela jušto bit zadnja,

Spred olatara i sakidanja.

 

More bit ne na početku, ma san sigur

Ne biš bila ni na ovin zadnjin mestu.

Pogotovo ča si bila kakor frndalica,

Tanka i vela kod jelva do vrha,

Ma sama si se otela oprtit va sirove drva.

 

 

Manje poznate riječi:

 

zakun – brak, ozakonjena veza muškarca i žene;

za vrime pasat – za razbibrigu, razonodu, dokolicu;

frndalica – izvorno: zvrk, preneseno: spretna, živahna i okretna osoba.