Sin sirotican z drugoga svita

 Sin sirotican z drugoga svita

 

 

Ovdika niste jimeli nikoga svoga

Se su vas zabili kod ča su i Boga

A tamo nij ni tužice

Ni brižice

Krov van ne pušća

A pod ne propušća

Niš vas ne stišće

Črna zemljica ne pritišće

Ni domaća ni tujica

Za sin je na miru saka dušica

 

 

 

 

 

 

 

 

 

 

 

 

 

 

Otac

 Otac

 

Vakalj

Voz

Kunj

Pašinac

Klahtar

 

Čokanjić

Kvartin

Dupljak

Zakopan

Prekopan

 

 

Manje poznate riječi:

 

vakalj – otkos,

voz – natovarena zaprežna kola,

kunj – konj,

klahtar – hvat drva,

čokanjić – boca piramidalna oblika,

kvartin – boca od četvrt litre,

dupljak – dvolitrena boca,

zakopan – ukopan, pokopan.

 

 

Mat

 Mat

 

Kofa

Plašćanica

 

     Mašuna

     Trajba

 

Škrb

Pojid

 

     Siknja

     Košnja

 

Lojenica

Finjenica

 

Manje poznate riječi:

 

kofa – pleteni koš koji se nosi uprćen na leđima;

plašćanica – platena vrpca dužine 2-3 metra, širine 3-4cm, kojom se veže breme na leđa i prenosi uskim stazama primorskog krša;

mašuna – lijeha omeđena gromačom;

trajba – krdo stoke koje se goni na pašu;

pojid – velika briga;

siknja – sječa drva;

lojenica – svijeća izrađena od loja;

finjenica – konac, završetak-

Pastorala

 Pastorala

 

 

nigdi i sad va svemirskih dumbljinah

živi se žitak kakov je i ovdika bil

nigda kad je našin svitu bilo reda

kad je sako čeljadino pozdravljalo

z faljenisus

kad su travu z kosun kosci kosili

va vaklji jedan za drugin

žene i muže se odbavljali va senar

za prve noći a budili jih petehi

zagrljene prvo zornic

kad su krave va letnje večeri

nadulih vimen od otave

mlade pastirice vrnjivale z pojila

nigdi i sad va svemirskih višinah

živi se takov žitak

onakov kakov je nigda i ovdi bil

 

 

Manje poznate riječi:

 

nigdi – negdje;

dumbljina – dubina;

žitak – život;

nigda – nekada;

vakalj – otkos;

senar – sjenik;

prva noć – rani mrak, sumrak, predvečerje;

nadulih – nadutih;

vrnjivat – vraćati.

 

 

 

 

 

 

 

 

 

 

 

 

 

 

 

 

 

 

 

 

https://radovantadejblogcakavskogpjesnika.blogspot.com/

 

Sagdir na svitu

 Sagdir na svitu

 

 

sagdir na svitu

bil je niki naš

prvo nas

 

petljari i težaki

čobani i nadničari

konatili su

črez panonske ravnice

 

va novin svitu

pute j krčila

pečalbarska čeljad

 

molnarići

va lučkimi gradi

soldati na se četire

strane svita

 

a kad bi se

s kin slučajun

našli i va srid

črnoga kontinenta

sopet bimo bili

svoji med svojimi

 

Manje poznate riječi:

 

sagdi(r) – svugdje;

niki – netko;

petljar – prosjak;

težak – radnik;

konatit – kružiti, lutati;

kin – kojim;

Črni kontinent – Afrika, prapostojbina ljudskoga roda;

sopet – opet;

med – između.

 

 

 

 

 

 

 

 

 

 

 

 

 

 

 

Smrt

 Smrt

 

kako j to zdahnut i gljedat smrt

z svojin licun obrnut se va njeji obraz

svoje oči uprit va njeje malice

 

oćutit oštrinu noža na vratu

nać se spod višal ogrljen z ogrljun

stat na gubilišću pred streljački stroj

 

odgovor na ovo pitanji

kod i na puno drugih

jiskat ćemo med mrtvimi

kad i sami budemo š njimi

 

 

Manje poznate riječi:

 

zdahnut – izdahnuti, umrijeti;

obrnut – okrenuti;

malice – zjenice;

ogrljen – obgrljen;

ogrlja – dio plašćanice koji dolazi ispod vrata oprćene težakinje, ovdje u prenesenom značenju omča.

 

 

Sveta Marija Pinta i Ninja

 Sveta Marija Pinta i Ninja

 

 

tisućčetirestodevedesetidrugoga leta

otputila se j priko atlantika

čreda od devedeset junaki

nisu znali ča jih čeka

z druge strane mora

indija

pad na rubu svita

ali sraz z nebeskin  svodun

 

tisuć let potla kristofora

ko leto više ali manje

tu niš ne minja na stvari

tri broda jedan za drugin

otisnut će se va kozmičku pučinu

prama samomu kraju svemira

morda njin se budu nadela

jista kolumbovska jimena

va njih će se ukrcat pustolovna čeljad

putopiosci

navigatori

robotičari

znanstveniku sih sorat

od semijotičari

pa do svemirskih zajikoznalci

 

putovat te još dalje zad sih galaktik

nete znat ča jih tamo čeka

levijatan

skriven va svojemu hrambišću

ali strmoglavi pad va prezdanicu

a morda lipo

i slavodobitna vrnjenica

va kumovu slamu

kadi će bit dočkani z flotilun brodi

ka će santa mariju

pintu

i ninju

sprogodit va svečanu mimoplovu

do matične planete zemlje

 

 

Manje poznate riječi:

 

otputila – uputila;

čreda – doslovno krdo stoke, a preneseno skupina ljudi;

velo more – ocean;

ali – ili;

potla – poslije, kasnije;

ko – koje;

va – u;

se – sve;

hrambišće – skrovište;

prezdanica – bezdana jama, bezdan ponor;

vrnjenica – povratak;

ka – koja;

sprogodit – sprovoditi, pratiti.